Chicken Pasanday Biryani Recipe | Flame On Hai | Irfan Wasti | Desi Food

Method:
Ek mixing bowl men chicken men yogurt, tamam sukhay masalay, hari mirch ka paste, brown onion, lehsan or adrak ka paste dal ker chicken ko achi tarhan marinade ker lain or 3 se 4 hours kay liye fridge men rakh den.
Ab pan men oil garam ker kay marinated chicken dal ker achi tarhan bhoon lain ab chicken per tomato slices, dhanai, podina, aloo bukharay, hari mirchen or fried onion dal ker ublay huway chawal dalen phir zarday ka rang, kevra or oil dal ker biryani ko dum per chor den. Jab biryani tayyar ho jae to garam garam serve karen.

Method:
Mixing bowl men aaloo, pani or tamam ajza dal ker paste bana lain phir maida dal ker goondh lain phir akhir men ghee dal ker mix ker lain or mazeed aatay ko achi tarhan gondh lain. Phir dough ko 10 se 15 minutes tak rest de ker pairay bana lain phir pairon ko bail ker baking tray men rakh ker unglion se nishan laga ker mazeed 25 se 30 minutes ka rest de ker pre heated oven men 200c per 10 se 12 minutes tak bake ker lain.

Method:
Blender men whipped cream, milk, wafer or ice cubes dal ker blend ker lain or shake ko glass men dal ker whipped cream se shake per swirl karen phir milky or white chocolate sauce dal ker white or dark chocolate kay biscuits rakh ker serve karen.

Method:
Ek mixing bowl men chicken or tamam ajza dal ker chicken ko achi tarhan marinade ker lain or 3 to 4 hours kay liye fridge men rakh den.
Ab karahi men oil garam ker kay garlic ko sauté ker lain phir marinade chicken dal ker achi tarhan bhoon lain phir milk, chicken powder, dhanai or cream dalker itna pakaen kay gravy garhi hojae phir butter or olives dal ker mix karen or mazeed 1 minute tak paka ker garam garam serve karen.