Gol Gappa Platter Recipe | Flame On Hai | Irfan Wasti | Street Food

Method:
Gol gappay bananay kay liye ek mixing bowl men suji or tamam ajza dal ker warm water kay sath achi tarhan goondh lain phir dough ko 10 se 15 minutes kay rest de ker bareek bail lain or gol cutter ki madad se kat ker plate men lagatay jae phir plate ko geelay kapray se cover ker lain. Ab dosry taraf karahi men oil ko taiz garam ker lain phir ek ek ker kay gol gappay fry ker lain.
Khatta pani bananay kay liye blender men pani, imli ka pulp or tamam ajza dal ker blend ker lain or phir pani ko fridge men rakh ker thanda ker lain.
Meethi chautney bananay kay liye pan men khjoor, sugar or pani dal ker itna pakaen kay khajoor ka paste ban jae phir cutter zeera, food color or mazeed pani dalker 1 se 2 minutes tak paka lain phir corn flour dal ker chutney ko garha ker lain.
Gol gappay platter banany kay liye platter men meethi chutney, meetha dahi, khatta pani or gol gappon men aloo or chanay dal ker serve karen.

Method:
Faluda banany kay liye ek sauce pan men 1 cup corn flour, 2 cups pani or 1 khanay ka chamcha chini dal ker mix ker lain phir sauce pan ko choolhay per rakh ker bilkul dhimi aanch per pakaen or chamcahy ke mustaqil chalatay jaen takay lumps na banain jab mixture ready ho jae ek bowl men pani or baraf dal ker faluda maker ki madad se faluda banana shuru karen.
Rabri bananay kay liye sauce pan men milk, sugar or ilaichi dal ker dhimi aanch per itna paknay dain kay milk 25% reduce hojae phir qalaqand dal ker achi tarhan mix karen or mazeed 1 se 2 minutes tak paka ker choola band ker dain.
Faluda glass ready ker kay kay liye glass men sab se pehlay tukhum malanga dalain phir faluda sivayyan phir fruit cocktail, rabri, ice cream, red & green jelly or phir badam dal ker glass ko final ker lain.